துன்பப்  பறவைகள்

அந்த நாள் ஞாபகம் வந்ததே

துன்பத்தைக்  காட்டிலும் இன்பமதிகம் .

அளவான வருமானம்

அரிசியும் ரேஷனில்தான் .

வருடமொரு முறை மட்டும்

தையல் காரனிடம் .

வாத்தியாரின் பயமுறுத்தலும்

கொஞ்சமதிகம்தான் .

ஆனாலும் வானத்துப் பறவை போல்

ஊரெல்லாம் ஓடினோம்

தூய நீரில் நீந்தினோம்

பசித்துண்டோம் 

இக்கால குழந்தைகள் போல்

புறாக் கூண்டினுள்

புத்தக மூட்டையுள் , அசுத்த சூழலில்

பெற்றோர் குறிக்கோள் படி

வாழவில்லை .

ஏனோ  இக்காலக் குழந்தைகள்

துன்பப் பறவைகளே!

  

 போர் 

 போரின் கொடுமை அதிகம்தான்

ஆனால் எதிரிகளற்ற மனிதத்திற்கு

மனிதன் மட்டுமே எதிரி .

குறைந்த வளங்களை எத்துணை

பேருக்கு பகிர்வதாம்?

வீடுகளாகிப் போன விளைநிலங்கள்

குடோன்களாகிப்  போன குளம் குட்டைகள்

மலைகள், காடுகள் எதையும் விடவில்லை .

பல கோடி வருட அழிவுகளை

பத்திரண்டு ஆண்டில் சாதித்தது

 மக்கள் தொகையின் மறுபக்கம் .

இயற்கை  இன்னமும் கருணையின் வடிவே !

இல்லாவிடில் பூகம்பங்களுக்கும், புயல்களுக்கும்

முன் மனிதன் எம்மாத்திரம்?

மனிதப் பேராசை மற்றுமன்று போர்

மனித அழிவுகளுக்கும் விடியலும்தான் !

   

யானை

  

காடுகள் திருத்தி நாடுகளாக்கி

கோட்டை கொத்தளங்கள் பலமாகவமைத்து

உயர கோபுரங்களில் பாரங்கள் சுமந்து

போர்களங்களிலும் முன்னே நடந்து

 மானுட நாகரிகத்திற்கு துணை நின்றாய்!

ஆனால் ஐம்பது காசுக்கு ஆசிர்வதிப்பது எதற்கோ?